കോവിഡ്-19 മഹാമാരിയുടെ സാഹചര്യത്തില്‍ ലോകമാകെ ലോക്ക്ഡൗണിലാണ്. അതുകൊണ്ട് തന്നെ നോക്കിയ ഫോണുകള്‍ക്ക് 60 ദിവസത്തെ വാറന്റി നീട്ടി നല്‍കുമെന്ന് എച്ച്‌എംഡി ഗ്ലോബല്‍ അറിയിച്ചു. മാര്‍ച്ച്‌ 15 നും മെയ് 15നും ഇടയില്‍ വാറന്റി അവസാനിക്കുന്ന ഫോണുകള്‍ക്കാണ് ഈ ആനുകൂല്യം ലഭിക്കുക.
വാവേ, വണ്‍പ്ലസ്, റിയല്‍മി, ഓപ്പോ പോലുള്ള കമ്ബനികള്‍ സമാനമായ പ്രഖ്യാപനം നടത്തിയരുന്നു. വാവേ ജൂണ്‍ 30 വരെ വാറന്റി നീട്ടി നല്‍കിയിട്ടുണ്ട്. ചില പ്രദേശങ്ങളില്‍ സര്‍വീസിന് നല്‍കിയിരിക്കുന്ന ഫോണുകള്‍ക്ക് പകരം ഫോണുകള്‍ നല്‍കുമെന്നാണ് വണ്‍ പ്ലസ്‌ പറഞ്ഞിരിക്കുന്നത്.
ആരോഗ്യ പ്രവര്‍ത്തകര്‍ക്കും കോവിഡ്-19 രോഗികള്‍ക്കും ഫോണുകളും കമ്ബനി ദാനം ചെയ്യുന്നുണ്ടെന്ന് എച്ച്‌എംഡി ഗ്ലോബല്‍ അറിയിച്ചു.ലോക്ക്ഡൗണ്‍ കാരണം സര്‍ക്കാര്‍ നിര്‍ദേശത്തെ തുടര്‍ന്ന് ഫോണുകളുടെ വിതരണം കമ്ബനി താല്‍കാലികമായി നിര്‍ത്തിവെച്ചിരിക്കുകയാണ്
