ബംഗളൂരു : ലോക്ക് ഡൗണിനിടയില് ടൗണില് അവശ്യവസ്തുക്കള് വില്ക്കുന്ന വില്പന കേന്ദ്രങ്ങള് കണ്ടെത്താന് ഉപയോക്താക്കളെ സഹായിക്കുന്നതിന് പുതിയ പദ്ധതിയുമായി ഗൂഗിള്പേ. ഗൂഗിള് നിയര്ബൈ സ്പോട്ട് സംവിധാനമാണ് ഗൂഗിള് പേയില് ആരംഭിച്ചത്. ഈ സ്പോട്ട് ആപ്പ് പ്രവര്ത്തനം ഇതിനകം ബംഗളൂരുവില് ആരംഭിച്ചു. ഹൈദരാബാദ്, ചെന്നൈ, മുംബൈ, പൂനെ, ദില്ലി തുടങ്ങിയ നഗരങ്ങളിലും ഇത് ഉടന് വ്യാപിപ്പിക്കും.
വൈകാതെ കേരളത്തിലുമെത്തുമെന്നാണ് സൂചന.
‘ലോക്ക്ഡൗണും സാമൂഹിക അകലം പാലിക്കല് മാനദണ്ഡങ്ങളും ഉള്ളതിനാല് ഡിജിറ്റല് പേയ്മെന്റുകള് എന്നത്തേക്കാളും ഇപ്പോള് വളരെയധികം അത്യാവശ്യമായ ഘടകമായി മാറിയിരിക്കുകയാണ്. കൂടാതെ കൊവിഡ് 19 സംബന്ധിച്ച പ്രധാന വിവരങ്ങള് നല്കാനുള്ള മെച്ചപ്പെട്ട പ്ലാറ്റ്ഫോമാണ് ഗൂഗിള് പേ’ എന്നും ഗൂഗിള് വ്യക്തമാക്കി.
sparkmode 