കൊവിഡ് 19 രാജ്യത്ത് പടര്ന്നു പിടിച്ചതോടെ ജനങ്ങള് ആശങ്കയിലാണ്. വ്യക്തവും കൃത്യവുമായ സംവിധാനവുമായി സര്ക്കാര് മുന്പന്തിയില് ഉണ്ട്. കൊവിഡിനെ പ്രതിരോധിക്കാന് സഹായവാദ്ഗാനവുമായി നിരവധി സിനിമ – ക്രിക്കറ്റ് താരങ്ങളാണ് രംഗത്തെത്തിയത്. തമിഴ് സിനിമയിലെ സൂര്യ, അജിത്, കമല്ഹാസന്, രജനികാന്ത്, കാര്ത്തി, നയന്താര തുടങ്ങിയ സൂപ്പര്താരങ്ങളെല്ലാം സഹായം പ്രഖ്യാപിച്ച് രംഗത്തെത്തിയിരുന്നു. എന്നാല് അപ്പോഴൊക്കെ ആരാധകരെ അമ്ബരപ്പിച്ചത് ദളപതി വിജയുടെ മൗനമായിരുന്നു.
വിഷയത്തില് താരം സഹായങ്ങള് പ്രഖ്യാപിച്ചതായി റിപ്പോര്ട്ടുകള് ഒന്നും വന്നിട്ടില്ല. താരത്തിന്റെ മൗനത്തിനു പിന്നിലെ കാരണം അദ്ദേഹത്തിന്റെ മകന് ജെയ്സണ് സഞ്ജയ് ആണെന്ന് പുതിയ റിപ്പോര്ട്ട്.
മകന്റെ കാര്യമോര്ത്ത് ആശങ്കാകുലനാണ് വിജയ് എന്ന പിതാവ്. ലോക്ക് ഡൗണിനെ തുടര്ന്ന് വിജയും ഭാര്യയും മകളും ചെന്നൈയിലെ വീട്ടിലാണുള്ളത്. എന്നാല്, മകന് സഞ്ജയ്ക്ക് വീട്ടിലെത്താന് കഴിഞ്ഞില്ല. സഞ്ജയ് ഇപ്പോഴും കാനഡയിലാണുള്ളത്.
കൊവിഡ് 19 കാനഡയിലും നാശം വിതയ്ക്കുകയാണ്. നിലവില് 24,000 കേസുകളാണ് കാനഡയില് റിപ്പോര്ട്ട് ചെയ്തിട്ടുള്ളത്. ഇതുവരെ 700 പേര് മരണമടയുകയും ചെയ്തു. വിജയുടെ മകന് സഞ്ജയ് താമസിക്കുന്ന സ്ഥലത്ത് കൊവിഡ് ബാധിച്ചിട്ടുണ്ടോ എന്ന കാര്യത്തില് വ്യക്തതയില്ല. ഫിലിം സ്റ്റഡീസ് പഠിക്കുന്നതിന്റെ ഭാഗമായിട്ടാണ് സഞ്ജയ് കാനഡയിലേക്ക് പോയത്.
sparkmode 