ഇഞ്ചി ചായ കുടിച്ച്‌ കൊണ്ട് ദിവസം ആരംഭിക്കൂ, ​ഗുണങ്ങള്‍ പലതാണ്lock down special part -3

ഈ കൊറോണ കാലത്ത് ദിവസവും ഒരു ഗ്ലാസ് ഇഞ്ചി ചേര്‍ത്ത ചായ കുടിക്കുന്നത് ശീലമാക്കൂ. കാരണം, പ്രതിരോധശേഷി കൂട്ടാന്‍ വളരെ മികച്ചതാണ് ഇഞ്ചി. ചായയുടെ കൂടെയോ അല്ലാതെയോ ഇഞ്ചി കഴിക്കാവുന്നതാണ്.അമേരിക്കയില്‍ പുരുഷന്മാര്‍ക്കും സ്ത്രീകള്‍ക്കും മരണകാരണമാകുന്ന പ്രധാന കാരണം ഹൃദ്രോഗമാണ്. ഇഞ്ചി കഴിക്കുന്നത് ഹൃദ്രോഗ സാധ്യത കുറയ്ക്കുമെന്നാണ് പഠനങ്ങള്‍ പറയുന്നത്.

ഇഞ്ചി കഴിച്ചവരില്‍ അപ്പോ ബി, അപ്പോഎ-ഐ അനുപാതങ്ങള്‍ 28% കുറച്ചതായി കാണിച്ചു. അതൊടൊപ്പം ഇഞ്ചി കഴിച്ചവരില്‍ ഓക്സിഡൈസ്ഡ് ലിപ്പോപ്രോട്ടീനുകളും അളവ് 23% കുറഞ്ഞതായി പഠനങ്ങളില്‍ തെളി‍ഞ്ഞു. ഇഞ്ചി കഴിച്ചതിലൂടെ ഹൃദ്രോഗത്തിന്റെ പ്രധാന ഘടകമായ എല്‍ഡിഎല്‍ കൊളസ്ട്രോളിന്റെ അളവ് കുറയ്ക്കുന്നതായി തെളിഞ്ഞുവെന്ന് വിദഗ്ധര്‍ പറഞ്ഞു.

ഇഞ്ചിച്ചായ എങ്ങനെ തയ്യാറാക്കാം….

വെള്ളം – മൂന്ന് കപ്പ്
ഇഞ്ചി – ചെറിയ രണ്ട് കഷണം
കുരുമുളക് – ആറെണ്ണം
ഗ്രാമ്ബൂ – അഞ്ചെണ്ണം
ഏലയ്ക്ക – നാലെണ്ണം
ചായപ്പൊടി – കാല്‍ ടീസ്പൂണ്‍ ‌
പഞ്ചസാര – ആവശ്യത്തിന്
പാല്‍ ആവശ്യമെങ്കില്‍ ഉപയോഗിക്കാം……

തയ്യാറാക്കുന്ന വിധം….

ആദ്യം വെള്ളം നന്നായി തിളപ്പിക്കുക. അതിനു ശേഷം മറ്റ് ചേരുവകള്‍ ഇട്ട് മൂന്നു മിനിട്ട് നേരം തിളപ്പിക്കുക. അതിനു ശേഷം കുറച്ച്‌ പാലും, പഞ്ചസാരയും ചേര്‍ത്ത് മിക്‌സ് ചെയ്യുക.

Thanks for content : Asianet