എന്താണ് ഡാറ്റ ? (What is data )

Data Privacy and Data Security: ഡിജിറ്റൽ യുഗത്തിൽ ഡാറ്റയോളം വിലപിടിപ്പുള്ള മറ്റൊന്നും ഇല്ല. Data privacy is how we choose to maintain our privacy online, where information is a highly sought-after commodity.

Data Privacy and Data Security: ഡിജിറ്റൽ യുഗത്തിൽ ഡാറ്റയോളം വിലപിടിപ്പുള്ള മറ്റൊന്നും ഇല്ല. Data privacy is how we choose to maintain our privacy online, where information is a highly sought-after commodity.

കേരളത്തിൽ കഴിഞ്ഞ കുറച്ച് ദിവസങ്ങളായി ഏറ്റവും കൂടുതൽ കേൾക്കുന്ന വാക്കാണ് ഡാറ്റ. കൊവിഡ് വിവരശേഖരണത്തിനായി അമേരിക്കൻ കമ്പനിയായ സ്പ്രിംഗ്ലറുമായി ഉണ്ടാക്കിയ കരാറുമായി ബന്ധപ്പെട്ടാണ് വിവാദങ്ങൾ കൊഴുക്കുന്നതിനിടെയാണ് ഡാറ്റ പ്രൈവസിയും സുരക്ഷയും ചർച്ചയാവുന്നത്ഡാറ്റ എന്നത് ഇത്രയും വിവാദങ്ങൾക്കും പ്രശ്നങ്ങൾക്കും കാരണമാകുന്ന ഒന്നാണോ എന്ന സംശയം ഈ അവസരത്തിൽ പലർക്കും ഉണ്ടായേക്കാം

എന്താണ് ഡാറ്റ പ്രൈവസി

ഏറ്റവും വിലപ്പെട്ട കാര്യമായി ഡാറ്റയെ കാണുന്ന ഓൺലൈനിൽ നിങ്ങളുടെ സ്വകാര്യ വിവരങ്ങൾ നിങ്ങൾ എത്രത്തോളം സംരക്ഷിക്കുന്നു, ഏത് രീതിയിലാണ് നിങ്ങൾ ഡാറ്റ സ്വകാര്യത നിലനിർത്തുന്നത് എന്നതാണ് ഡാറ്റ പ്രൈവസി എന്ന പ്രയോഗത്തിലൂടെ അർത്ഥമാക്കുന്നത്. നമ്മൾ ഓൺലൈനിൽ ചെയ്യുന്ന കാര്യങ്ങൾ ആരെക്കെ നിരീക്ഷിക്കുന്നുണ്ട് എന്നും ഈ വിവരങ്ങൾ അവർ എങ്ങനെ ഉപയോഗിക്കുന്നുവെന്നതും ഉപയോക്താവ് അറിയേണ്ട കാര്യമാണ്

ഡിജിറ്റൽ യുഗത്തിൽ ഡാറ്റയോളം വിലപിടിപ്പുള്ള മറ്റൊന്നും ഇല്ല. കുത്തക കമ്പനികളുടെ ബിസിനസുകൾ മുതൽ ജനാധിപത്യ രാജ്യങ്ങളിലെ തിരഞ്ഞെടുപ്പുകൾ വരെ നിയന്ത്രിക്കുന്ന ഘട്ടത്തിലേക്ക് ഡാറ്റശേഖരങ്ങളുടെ സ്വാധീനം മാറിക്കഴിഞ്ഞിരിക്കുന്നു. ഫേസ്ബുക്ക്, ആമസോൺ, ട്വിറ്റർ തുടങ്ങിയ കമ്പനികളെല്ലാം അതിന്റെ പ്രതിദിന പ്രവർത്തനത്തിനിടയിൽ ഡാറ്റ ശേഖരിക്കുകയും അവ ഉപയോഗിച്ച് പ്രവർത്തിക്കുകയും ചെയ്യുന്ന കമ്പനികളാണ്. ഡാറ്റയുടെ സുരക്ഷ ഉറപ്പാക്കുന്നതുമായി ബന്ധപ്പെട്ട നിയമങ്ങളിൽ ഫേസ്ബുക്ക് അടക്കമുള്ള കമ്പനികൾ പ്രതിക്കൂട്ടിൽ നിൽക്കേണ്ട അവസ്ഥ വരുന്നതും ഇതുകൊണ്ട് തന്നെയാണ്.ഡാറ്റ സുരക്ഷ (ഡാറ്റ സെക്യൂരിറ്റി), ഡാറ്റ സ്വകാര്യത (ഡാറ്റ പ്രൈവസി) എന്നിവ ഒരേ കാര്യമാണെന്ന് തോന്നുമെങ്കിലും ഈ രണ്ട് കാര്യങ്ങളം തമ്മിൽ ചില വ്യത്യാസങ്ങളുണ്ട്. നിങ്ങളുടെ ഡാറ്റയിലേക്ക് ആരെങ്കിലും നിയമവിരുദ്ധമായി കടന്ന് കയറാനോ ഡാറ്റ ഹാക്ക് ചെയ്യാനോ ആനുവദിക്കാതെ ഡാറ്റ സംരക്ഷിക്കുന്നതിനെയാണ് ഡാറ്റ സുരക്ഷ എന്ന് പറയുന്നത്. ഡാറ്റ നിയമപരമായി ശേഖരിക്കുന്നതും സംഭരിക്കുന്നതും ഉപയോഗിക്കുന്നതും എങ്ങനെയെന്നതാണ് ഡാറ്റ സ്വകാര്യത എന്ന വാക്ക് കൊണ്ട് അർത്ഥമാക്കുന്നത്.